Hardcore Troubadour Deluxe
Talkin´ TV Blues
(Girmindl/Krizsanics)
Mei Fernseher spüt olle Stickln er is digital
Flach ois wia a Hendlbrust
Des Büd is optimal
Ka Griasln und ka Krochn ganz egal wos es do spüt
Obs redn und diskutiern ob sa si oschlochtn wia wüd
I hab hundert Sender sechzig mehr ois wia erlaubt
Davon san 118 scheisse und mehr ois wos i brauch
Egal wo i grad hinzap mir geht des Gimpfte auf
Der Tiefstand is erreicht und jetzt pfeif i langsam drauf
RTL und ATV Trottel schaun sich Trottel an
Promidinner SternTV wir leben im Gemeindebau
Wir schaun uns des so gerne an weil andre san schlechter dran
Und wenns uns a jetzt besser geht is trotzdem längst zu spät
Aufs Fernsehen da pfeif i drauf und drah ma jetzt mei Radio auf
Zig Frequenzen san besetzt der eine übern andern hetzt
Programm bleibt trotzdem Planwirtschaft a Schleifn die uns olle schaft
So schlimm wies is so kanns ned bleibn geh spüts a Sackl weil i muss
speien
Antenne Wien und Krone Hit ollas is der söbe shit
Radio Wien und Ö3 Musiksender san a dabei
Wir spielen nur das was wir wollen der Steuerzahler wird scho zoin
Und wenn des Werkl ned so rennt is die Werbung die ois brennt
Mörtl Heinzl und die Karlich jeden Abend speib ich wahrlich
Mir tut schon die Gurgel weh weil ich so viel Schwachsinn seh
Radio bringt mi a ned weiter Ätherwellen machen mi ned gescheiter
Trotzdem derf i dafür pecken dafür könnts mi bei Programmschluss lecken
Die Herren aus dem Club
Die klane Anni spielt so gern
Tennis im Club mit die ältern Herrn
Olle sogn sie hat so vü Talent
is ja ka Wunder sie is scho von kla auf die Boin nachgrennt
Und um die Anni do nehmen sa si so vü an vor der Anni zagt a jeda wos er
so kann
Und die Anni die lodns a so gern ei jeden Tag wer andrer aber do is nix
dabei
Wann die Anni Geburtstag hat san sie olle do Der Anni geht’s gut der
Anni geht nix ab
Ganz egal wos is es legen olle zsamm A jeder gibt gern und a jeder gibt
wos er kann
Und olle passen auf dass der Anni nix passiert
Weil ma kann ja nie wissen wos spät aufd Nocht so wird
So a feschs junges Madl da sogst nix na wos
Aber auf die Herrn ausn Club da is verloss
Kana waaß genau wer der Vater von der Anni is
Ned amoi ihr Mutter is si da gewiss
Es war a Clubfest und des is sicher guade 8 Joa her
Und wer zum Zug damals kam waaß ma nimma mehr
Nur die Anni die is do & des kann a jeder sehn
Aber deswegen solls der Anni a ned schlechter gehen
Und olle passen auf dass der Anni nix passiert
Weil ma kann ja nie wissen wos spät aufd Nocht so wird
So a feschs junges Madl da sogst nix na wos
Aber auf die Herrn ausn Club da is verloss
Mit nasse Fetzen
VW hat den Zwei-Liter-Motor längst in sein Tresor
Dass du trotzdem löhnen musst na deswegen gebns erm ned hervor
Warum sollst du an Vorteil haben warum grad du ned sie
Du kannst fleißig pecken und die Wöd wird langsam hin
Warum nimmt kana nasse Fetzn und jauckts damit davon
Warum san olle unterwürfig liegn vor erna am Bodn
Zu allem sagt ma ja und wenn ma nix sagt sagt mas a
Und weinst a andre Meinung hast dann fühlst di oft allaa
Die Unschuld wird vermutet bis zum letzen Atemzug
Im Grunde ist das leiwand nur recht oft jetzt scho Betrug
Du wirst prophylaktisch überwacht jetzt Tag & Nocht
Stehst mit linken Fuaß im Häfn bevorst überhaupt wos mochst
Warum nimmt kana nasse Fetzn und jauckts damit davon
Warum san olle unterwürfig liegn vor erna am Bodn
Zu allem sagt ma ja und wenn ma nix sagt sagt mas a
Und weinst a andre Meinung hast dann fühlst di oft allaa
Du gerecht entlohnt werdn aber zahlen wüst du nie
Und was du täglich einkaufst mocht bei andren alles hin
Afrika und Asien san längst schon nebenan
So dass selbst der ders abstreit sich überzeugen kann.
Warum nimmt kana nasse Fetzn und jauckts damit davon
Warum san olle unterwürfig liegn vor erna am Bodn
Zu allem sagt ma ja und wenn ma nix sagt sagt mas a
Und weinst a andre Meinung hast dann bist du ned allaa
Frei (Girmindl/Krizsanics)
Früher war ois furchtbar leicht
Du host ollas glei erreicht
Zumindest kummt dir des so vua
Ma lernt ja so vü dazua
Doch was ma lernt des reicht ned aus
Wann bratst du deine Fliagln aus
Host es verlernt di kannst ja fliagn
Lass ned nur die Gedanken ziagn
Du liagst du liagst
Du liagst di söba an
Du liagst du liagst
Weils kana besser kann
Hast nix verlernt hast nur vergessen
Du brauchst di nie mit jemand messen
Die ganze Kraft steckt nur in dir
Und die wirst du a nie valiern
Du fliegst du fliegst
Du kannst es no
Du fliegst du fliegst
Bist endlich wieder do
Die Traudl
Der Habschi von der Traudl geht ihr die längste Zeit am Oasch
Es is scho lang nix mehr am rennen und zspät dass sie no woat
Und deswegen hat sie beschlossn dass der Kurt verschwinden muss
Weil so geht des ned weida mit dem Kurt is ab jetzt schluss
So a schöne Frau allaa des bleibt ned lange Zeit
Und scho steht a scho der nächste ein Herr Karl steht schon bereit
Der is zuvorkommend und höflich und lädt auch sehr gern ein
Doch wos ihr ned ganz so gfoit er woscht si ned er is ein Schwein
Doch sie hoit erm no die Stangen weil sie glaubt des wird no werdn
Doch der Karl der is a sturer sie kann erm afoch ned bekehrn
Dass er wenigsten nur amoi in der Wochn duschen geht
Und so muaß er aus ihrm Leben weil des eben ned so geht
Letzte Wochn hams as gfundn olle 2 in an Abteil
Paketiert ois wia a Exta auf schee klar swoa nix dabei
Ma hot nix gsehn ma hot nix grochn weil der Kurtl woa auf Eis
& da Karl betoniert in der Trennwand ohne Scheiß
Die Traudl söba die woa bäule keine Spur von dera Braut
Zerst hams as gsuacht aber ned gefunden sie hot si überd Häuser ghaut
Sie hat ihr leben lang geschwärmt wie schees is am Mittelmeer
Und bei so vüle Touristen find ma dTraudl nur sehr schwer
Und sie sitzt da in an Strandcafe und taxiert die Herrn
Weil allaanich in an fremden Land des hat sie ned so gern
Sie braucht an starken braucht a Schulter auch einen der sie versteht
Mit dem sie neu beginnen kann mit dem es wieder weitergeht
Mandelbaum & Spiegelmann
Mandelbaum & Spiegelmann schaun si ganz verwundert an
Wies do stangan auf der Gossn sie wundern sich dass sie sie lossen
Der Mandelbaum is aufm Weg der Spiegelmann der putzt grad Dreck
Ob sa sie wieder sehn werdn sie frogn sie ned sie wolln ned rearn
Der Mandelbaum der sogt ned vü weil er jetzt nix sogn wü
Der Spiegelmann der hört gut zua meistens san a Blicke gnua
Mandelbaum & Spiegelmann sitzen 4 Joa lang nebeneinand
In der Volksschuhl da im 2. Na des warn no ganz andre Zeitn
Und jetzt wo der Wind scho kälter wird
Und ganz egal wos ma anhat an trotzdem gfriat
Der Mandelbaum lebt wieder zhaus es is zwar nimmas Eltenhaus
Doch eh nur zwar drei Gossn weiter & besser als nix
Do wohnt er jetzt mit seiner Frau fast so wie früher fast genau
So wie es war vor langer Zeit und 2, 3 Freund leben a no heut
In Spiegelmann sei Frau is gsturbn sie is kane 60 wurdn
Obwohl sie hot ois überlebt nur eben die Erinnerung ned
Wie ers in der Badwann find hat er gwaant ois wia a Kind
Doch gleich drauf da war er stumm hört sie no sogn mi bringt kana um
Mandelbaum & Spiegelmann jdere denkt no manchmal dran
Von Zeit zu Zeit foits an ei es is no immer vü dabei
Weiter(immer weiter)
Weiter immer weiter es geht immer weiter fort
Es geht immer weiter owe und a auffe es geht gut
Es geht hin und es geht her es geht do und es geht durt
Es geht weide es geht immer weide furt
Du stehst am Abgrund und schaust grad hinein
Sagst zu dir selber des kann doch ned sein
Des kanns ned geben des is doch ned fair
Die Blick is starr und du fühlst di leer und weiter
Weiter immer weiter es geht immer weiter fort
Es geht immer weiter owe und a auffe es geht gut
Es geht hin und es geht her es geht do und es geht durt
Es geht weide es geht immer weide furt
Du liegst im Bett und stehst nimmt auf
Weil ab sofort da zahlst nimmt drauf
Jetzt zahlen die andren und kassiern tust du
Und dann wochst auf und kneisst o im nu na wos
Weiter immer weiter es geht immer weiter fort
Es geht immer weiter owe und a auffe es geht gut
Es geht hin und es geht her es geht do und es geht durt
Es geht weide es geht immer weide furt
Es is ka Ausweg wenn ma hinausgeht
Solang ma aufsteht bevor ma ned geht
Im Kaffee O.
Wenn olle Hittn scho zuadrahn da drans do erst auf
Wann woanders die Gäst hamgengan do wochns da erst auf
Im Cafe O. do gengan die Uhren anders
Im Cafe O. is ma ka Gast sondern daham do
Da san da Jackson aus Jamaika & der Karl aus Favoritn
Der Hans schloft auf der Pudel und die Kathi ausn 3.
Steht seit mindestens 10 Joa do habt acht in dera Hittn
Und wenn sie gut aufglegt ist dann nimmts di mit nach hinten
Der Jackson hot an Bauchstich vom spaziern geh spät aufd Nocht
A bissl a Bluat valurn des hat erms Luftschnappn brocht
Und jetzt schnappt er boid über
Weil um die Zeit und nach dreizehn Ofen is er überdrüber
Und der Karl wü diskutiern mit Jackson wegn Jamaika
Aber der führt erm aufs Glatteis weil fian Jackson is des ka Thema
Nur der Koarl der losst ned locker wü a Antwort auf vü Frogn
Und er sitzt do auf sein Hocker und der Jackson wü afoch nix sogn
Der Hans der büselt no immer so guad wie do schloft er a ned daham
Er bestellt a Bier wenn er herkummt zhaus is er eh allaan
Und dann schloft er so lang
Bis die Sunn aufgeht und dann geht er ham
Er geht ham der Hans und stellt si auf an Hupfer unterd Brause
Während die Kathi kurz verschnauft und dann wü selbst sie a aussäe
Sie losst die Hittn wie sie is damit mas später no dakennt
Wenn sie am Abend wieder aufsperrt und es genau wie immer rennt
Mei Gossn
Wenns amoi a Gossn nach mir benennen dann muaß des a klane sei
Da derfen kane hohen Häuser steh und solltn kane Auto foan
Und wann ans foat is wos bsundas
Vielleicht stengan durt as poa Bam
Und am Eck glei do vuan is a Wirt, ned zu gross
Aber da gibt’s immer a klans Gulasch und a grosses Bier
Na und vielleicht is in dera Gossn a a klans Gschäft
Wos a Wurschsemmel um 5 Schilling gibt
Aber von 12 bis drei is Mittagspause
Und da is nix los in meina gossn
Da is ruhig
In dera gossn is sonst a ned vü los
Do gengan immer a poa Leut grod weg oder kumman ham
Aber olle kennan griaßn
Und wann i ham kumm spät in da Nocht
Dann triff i immer no an
Der no munter is
Der no wos mocht
Komm, schlaf ein (zumindest heut nimmamehr)
Leg di doch hin hoit di ned auf
Lass afoch los des host a du drauf
Ois löst si auf
Nix mehr is schwer
Zumindest heut nimmamehr
Mach die Augen zu & schlaf jetzt ein
Und denk da afoch nix mehr der Tag ist vorbei
Ois löst si auf
Nix mehr is schwer
Zumindest heut nimmamehr
Und wennst wos tramst wos da ka Ruah losst
Denk an wos scheens weilst von dem niemals gnua host
Kannst zu mir kommen wennst wüst
Oiso kumm schlaf ei & i pass auf
Sitz vor dein Zimmer solang bis a i schlof
Ois löst si auf
Nix mehr is schwer
Zumindest heut nimmamehr
Und weinst wos tramst wos da ka Ruah losst
Denk an was scheens weilst von dem niemals gnua host
& wenn der Herrgott auf di schaut dann mich i ma kane Sorgn
Schichtwechsel
Er rafft si auf jeden Tag wenn der Wecker läut
Hupft in sei Gwand trinkt an Kaffee und is bereit
Er hot wos mit no wos von gestern es is übrig bliebn
Und bei dem wos er vadient losst er nie wos liegn
Scho seit guade 35 Joa is des sei Weg
Dass er no wenn finster is zur Haltstö geht
Und so mocht er des hoit solang sei Frau no schlaft
Dass sa sie hoit ned beunruhigt und Gedanken macht
Na und dann sitzt er in an Park im Sommer geht des no
Nur dann im Winter wird’s zu koid werdn und sowieso
Wird’s an der Zeit dass er wos findt weils scho enger wird
Und er wü auf kann Foi dass sei Frau wos gspiat
Wies erm dazöht ham dass er zoid is und dass sie er trotzdem wolln
Da is er erst amoi aus olle Wolken is er gfoin
Sie kennen erm ned hoitn hams erm glei erklärt
Dass er vü zvü kost und den Jungen a Chance verwehrt
Er wird jetzt geh weil es wird boid fünfe werdn
Und mitn Bus dauerts eh no ewig im Stossverkehr
Zhaus wird er sogn es war nix so wie immer hoit
Und dann vorm Fernseher sitzen mit Bier in der Hand eiskalt
I bin weg
Du wochst auf und i bin weg
I hab mi vor dir versteckt
I wach auf und du bist furt
Mir geht’s deswegen so gut
Du waaßt jo gar ned wos du an mir hast
I woa fia di immer nur a Last
Ollas wosd ma antan hast
Hast du längst vagessen
Ollas wosd da merkn solltst
Wolltast du nie wissen
Ollas des wos i no waaß
Hob i längst vadrängt
Weil unser Gschicht
Hot jetzt ihr End
Oide news
Oide news wos Neiches spüts ned
Oide news du kummst vor murgn ned ins Bett
Oide news und wir schaun schee langsam bled
Oide news nur merkn tua mas ned
Du sitzt vorm Fernseher des söbe oide Büd
Des söbe oide Redn weils scho wieder söbe spüt
Es is vertraut und bekannt und du triffst es in der Nacht
Wennst scho fast tramst dir a Wöd im Finstern machst
Oide news wos Neiches spüts ned
Oide news du kummst vor murgn ned ins Bett
Oide news und wir schaun schee langsam bled
Oide news nur merkn tua mas ned
Es is noch drei und du siehst den söbn Film
Den host du aufdreht vor a poa Stund es war kurz vor zehn
Und jetzt sixt des Ende a weil es wird endlich wiederholt
A so wie die Leben hoit von jung bis ganz oid
Oide news wos Neiches spüts ned
Oide news du kummst vor murgn ned ins Bett
Oide news und wir schaun schee langsam bled
Oide news nur merkn tua mas ned
Die Fenster zur Vergangenheit hoit fit di die Erinnerung bereit
Im oidn Füm bist du daham des Nachtprogramm wird zum Tram
Und wennst es schofst dassd einschlofst
Dann waaßt du dass ois schaffst
Da Joe
Der Joe der lebt am Limit Und des scho seit er verdient
Seit seiner Zeit als Lehrbua Jetzt hot er Frau mitsamt an Kind
Da Joe is immer fleißig Und der Joe der kennt si aus
Geht fast nie zum Wirtn Und nach der Hockn immer zhaus
Der Joe war sicherlich ned mehr ois zwar Wochen im Stand
In die 20 ja in dera Firma war kana so sötn krank
Den Joe den kannst a herzagn brauchst di bei der Kundschaft ned geniern
Da Joe der is sei Göd wert dem Joe kann nix passiern
Heut hams den Joe gekündigt weil der Joe der kost zuviel
Scho vü zlang in der Bude und der Joe waaß wos wer wü
Und ois ganz normaler Hackler kriegst dein Briaf binnen an Tog
Kannst auf gaach dir schnö wos suachn bevor dei Leben di daschlogt
Aber der Wind der weht jetzt rauer und es geht ans Überlebn
Und deswegen muss a jeder wos von seinem Teil hergeben
Die oben spoan mit unten die unten die zahn an
Die oben bleibn stabil und die unten die zoin drauf
Handmade in Vienna
I was walking on an evening through the inner City streets
It was raining & so chilly it just felt like my cold sheets
I was really quite unhappy and my heart felt like a stone
That´s why I went outside Not to feel so damn alone
Someone followed me for hours but I didn´t realize
I was just feeling the rain pouring rain cold as ice
And the only things I´ve heard where the thoughts in my own head
And the lack of somethin special for a week in my old bed
I was stopping for a moment in the shopping window light
And was watching my reflection just to see if I looked right
I wasnt feeling anymore except the raindrops coming down
But then I felt the knife sticked in and turned around
And the blade read Handmade in Vienna
I remembered my whole life all this little ups and downs
Realized how it tasted and all the smells and sounds
All the girls I met and mainly all the boys I knew
And my recently releation and how I did get through
It´s been 8 days since my boy left me and since then I sleep alone
It is my flat and is my bed and i do feel there real at home
And I have cleaned it for two days so there ain´t nothing you can see
Wich could have brought you to ideas what happened on that day to me
So i´m laying on the street and my blond runs down the drain
It is nearly invisible and mixed a lot with rain
And I have only ohne more question is there someone up above
While the blade is in my back and I´m doing my last carv
And the blade reads Handmade in Vienna
Scho komisch
I war scho durt wo i ned hät solln
Und i hab gsehn wos i ned hätt solln
Und i hab gemacht wos i ned hätt solln
Aber nie wos die andren wolln
A Stimm hat gsogt heast mochs ned
A andre wieso ned bisd bled
Und i hab glaubt i bin stark
Des glaubst so lang bis di wo oweprackt
Scho komisch dass ma glaubt
dass ma fliegt wenn ma foit
Bevor mas überreisst
Scho komisch dass ma glaubt
dass ma fliegt wenn ma foit
Bis mas endlich kneisst
Und mir wird wieder schee langsam fad
I vermiss ollas wos amoi woa
Und i vergiss dass i brav sei soll
Und gib mas afoch wieder voll
I hab ned vor dass i wen valetzt
Aber ab jetzt will i nur mei Hetz
Wenns so was gibt will i davon zvü
Des war mei Leben lang scho mei Zü
Scho komisch dass ma glaubt
dass ma fliegt wenn ma foit
Bevor mas überreisst
Scho komisch dass ma glaubt
dass ma fliegt wenn ma foit
Bis mas endlich kneisst
Meistens merkst as ned bis passiert
Ollas hot scho sein Grund a wenns di vawirrt
Anfänglich verwirrt
Hardcore Troubadour
Heast du zum Zuaspernn is scho zspät
Weil er mit der Gitarr wieder vor dein Fenster steht
Ja gestern war er no bei dir
Es is immer no des söbe Liad
Und er spüts in ana Tour
Er is der letzte Hardcore Troubadour
Heast du wir da doch klar wer is er
Is er dei Romeo oder is nur irgendwer
Mocht des an Sinn oder kummt er umasunst do her
Du nimmst erm dann ja doch wieder noch oben
Aber schlafen losst erm nur am Boden
Er is der letzte Hardcore Troubadour
Er is der letzte der die Nocht dablost
Und so lang spüt bisd erm auffe losst
Er is der letzte seiner Art
Drum frog i mi auf wosd no woatst
Heast du schee langsam wird’s ganz schee knapp
Weil er ziagt weider und hoit di sicher ned ab
Er is auf der Durchras & foat boid ab
Fia di wars des letzte Mal
Zumindest nimmst as vua
Bis zum nächsten Hardcore Troubadour
Copyright 2011 Girmindl Tunes. Alle Rechte vorbehalten!