Simmering

Bitter

Es gibt a Angebot das uns ganz arg bedroht
Des so unnötig is weils ja so menschlich is
Des uns ganz deutlich zeigt dass uns ka Zeit mehr bleibt
Um nur zu diskutieren und in der Scheiße rührn
Des is bitter, traurig aber wahr

Warum der Fisch no schwimmt des kann i ned vastehn
Obwohl von unten muss ers Meer als Ölbad sehn
Und mit vü Blei im Bauch da taucht ma eh ned auf
Na und an seiner Stö tät i eh unten bleibn
Und des is bitter, traurig aber wahr

Und dann gibt’s a poa Leut die da dagegen stehn
Die lassen andre ned afoch im Regen stehn
Und i gib ehrlich zua da ghör i ned dazu
Und des is bitter, traurig aber wahr

Es fliegt a Flugzeug ohne Unterbrechung fort
& macht an Städteflug zum nächsten Nachbarort
Und i selbst hol mir schnö mitn Auto meine Tschick
Na eh nur glei ums Eck aus der Tabaktrafik
Und des is deppat, traurig aber wahr

Wieder auf Spur

Du warst scho so lang fort
Du warst scho lang nimmt do
Mia ham uns lang ned gsehn
Und dann a nimma kennt
I hät mir des nie dacht
Dass es dir so gehen kann
Dass es selbst di so schleudert
Fangst halt von vorn wieder an

Wieder auf Spur wieder grad wieder da
Wieder auf Spur nimma weg back on tue track
Wieder gradaus kennst di aus kummst ned aus
Wieder auf Spur nimma weg back on the track

Es kann scho vü mehr geben
Ois ma si je denkt
Es spüt si o im Leben
Und ma kriegt selten wos geschenkt
Doch bis ma des amoi merkt
Bis ma des überreisst
Kanns a scho passieren
Dass ma dazwischen drauf scheisst

Wieder auf Spur wieder grad wieder da
Wieder auf Spur nimma weg back on the track
Wieder gradaus kennst di aus kummst ned aus
Wieder auf Spur nimma weg back on the track

Espresso

Es is a Samstag wie jeder andre und i wird sicher nach der Hacken ned glei hamgeh
I glaub i schau no kurz vorbei im Espresso bleib aber höchstens bis drei
I hab gestern nach Büro eh no wos einkauft sodass i am Sonntag was daham hab
I brauch ned vü zwa drei Maggi Fix a Chefmenü sonst brauch i nix

I kenn da an jeden & hob do mein Platz täglich nach Büroschluss geht ma nix ab
Sie kennen mi olle und san recht galant und manchmal wenn spät is hat scho so mancher gwaant
Doch do fall i ned eine i kenn doch die Schmäh der wü fia a Nacht zu mir mit ham geh
I schau dann auf dUhr und bin a scho weg weil i hab ned weit i wohn glei ums Eck

I bin ned allaa und a ned gebunden fias ned allaa sein hab i mir wen gefunden
Gut situiert er stellt kane Fragen weil nur so sind Männer zu ertragen
I setz mi jetzt glei wieder zruck an mein Tisch weil mein zweiter Baccardi kommt grad frisch
Wir werdn uns sicher öfters no sehn aber heute werd i früher gehen

Die Schande

Ein Mädchen stand am Strassenrand
Ganz einsam und verlassen
Es war schon spät und ich fragt mich
Was macht die in dera Gassen
Die Dunkelheit durchbrach nur schwach
Der Laterne Birne
Doch was ich sah stimmte mich froh
Sie war eine hübsche Dirne
Ihr Haar war blond und mächtig lang
Vom Kopfe bis zum Fuße
Ich schritt zu ihr mit Tatendrang
Und hob die Hand zum Gruße
Sie sah mich dann gleich vor ihr stehn
Und hat sich abgewendet
Und noch bevor die Sonn aufging
War diese Maid geschändet

Baron von Simmering

He Baron von Simmering wo bistn du
Wann warst du und vor allem wer bist du gwesn
I söbst hab nur von dir zwei drei Mal was ghört
Und i hab no nie von dir irgendwo was glesn
Hots di wirklich gebn
Und vor allem wos hast du gemacht
Und was is passiert seitdem mit dir

I kann mir des recht lebhaft heut no vorstellen
Der Tag war fia di nie a Quälerei
Egal a welches Wetter grad so angsagt war
Du warst unterwegs und richtig frei
Mit an rostigen Topf
Und gnuag Löcher im Gwand
Warst du unterwegs
Mit dein Wagl in der Hand

Aber heast Baron von Simmering i kenn di ned
Wie gesagt i hab nur zwei drei Mal was ghört
Und ob du wirklich glebt hast I waaß es ned
Doch wie du weg warst ham sicher a poa greart
Wies di eine ham in dGruabn
Mit an Holzkreuz oben drauf
Auf zehn Joa warst befristet
Du hast nie wieder wos verkauft

Aber he Baron von Simmering die Gassen warn
Dann immer um a Spur weniger Leben
Und du bist wiesd jetzt hörst a ned vergessen worden
Sunst täts die Nummer da ja gar ned geben

Ratten

Wenn sie die Rotzn guade Nocht sagn
& hinter der Verschalung von der U-Bahnstation verkreun
Dann kumman andre Gstalten vire
Die siehst sonst nie solang die Sunn no scheint
Die siecht ma nur in der Nacht
Die ham am Tag ka Adress
Und bei manche geht ma lieber vuabei
Und schaut ned links oda rechts

Wenn si die Luft erst so richtig schneiden lasst
Und es is mehr Alkohol in der Luft als im Glasl
Dann is des so a Abend und der is typisch
Und deswegen is a die Sehnsuncht danach so groß
Und auf den woat ma den ganzen Tag
Und der dauert die ganze Nacht
Und is erst z´end wenn ma daham
Umfoit und schloft

A so a Tag hot ka Datum
A so a Tog hört nie auf
Vor so an Tag hot ma Achtung
Obwohl allaa is er nix weil er die ganze Nacht braucht

Grad steh (A Anderer II)

Grad steh! Mit Blick nach vorn
Du wirst stark als Mann geboren
Aber manchmal wüst du des gar ned sein
Manchmal wärst du gern richtig frei

Es haaßt immer du packst des schon
Und drin in dir liegst du schon lang am Boden
Und wirklich niemand hilft dir auf
Scho gar ned wennst wen dringend brauchst

Stark sein is guad fia die Starken
Doch wer is wirklich stark
Ned amoi der so tuat
Is tiaf drin richtig hart

Manches kann ma echt ned ertragen
Aber du du hörst alle nur sagen
Des wird scho nur wird’s ned immer
Mit der Zeit wird manches sogar schlimmer

Weil wenns vorbei is kannst du nix mehr machen
A wenns dir leid tuat du wirst es ned schaffen
Etwas zu ändern wos nimma geht
Es kummt der Moment da is ollas zspät

Kenn di ja guad

Du bist jetzt furt du bist nimmt do
Und jetzt gehst ma mehr als sonst irgendwann o
Du bist jetzt weg und i siech di ned mehr
Und trotzdem könnt i schwörn dass i dei Stimm immer no hör

I hörs ganz deutlich so nah und so klar
I hörs genau so wie all die Joa
Sie sagt so vü ned ois wollt i hörn
Ganz eigenartig - jetzt täts mi gar nimma störn

Und wenn i do sitz sitzt du neben mir
I waaß des genau weil i di so gspia
Du bist zwar weg doch no immer da
I kenn di jo gut du reißt ned afoch o

Es gibt no so vü des könnt i dazön
Wie kann an a Mensch auf amoi so föhn
Ollas wos do is hat scheinbar kann Wert
Bis mas valiert obwohls an eh ned ghört

Gfrasta (T: Girmindl & Krizsanics)

A schlechter Moment haaßt jetzt Herausforderung
Oba vielleicht is nur a Aufforderung
Weil Veränderung kommt oft ned allaa
Und a Kompromiss kummt selten von zwa

Nur is des wurscht heut total egal
Ois is vakehrt und nix normal
Hauptsach es wird gfressn und olle bleibn stü
Weu manchmoi is zu wenig vü zu vü

Und i frog mi wos is wurdn es wird Zeit fia an Zurn
Zeit zum Schreien, zum Keppeln und zum Murrn
Es is lang vorbei dass i mei Goschn hoit
Und was du jetzt von mir denkst lost mi furchtbor koit

Nur Bitten und Bettln und olleweil Knian
Auf sowas scheiss i, wos soi mir no passieren
I hob vü erlebt und ned ollas woa grod
Des meiste egal, aber um manches is schod

Nur i waaß genau i stö mi nimma an
Olle andern san zweiter i bin ois erster dran
Vielleicht klingt des org und arrogant
Aber samma ned olle Gfrasta unter der Hand

Der Kurtl & i (T: Girmindl & Krizsanics)

Der Kurtl und i wir san seit guade 30 Joa do
Wir gengan immer scho do her weil do geht uns nix o
I hob mein Wein und der Kurtl hot sei Bier
Des woa no nie anders und deswegn samma hier

Wir ham do scho so vü gsehn und so vü erlebt
Und so vü gsoffn und was ham mia ois gredt
Wen ham wir do troffn wen ham mia ois gsehn
Wenn I euch dazöhn tat i kennt stundenlang redn

Heut sitzen mia zwa nur mehr auf der Bank
Und wann i so zruckdenk da siech i die Schank
Da schau durt drüben glei do is gwesn
Und die blade Wirtin hot Zeitung glesn

Die lest heut nimma zumindest ned do
Und wenn wos im Weg is do reißt mas hoit o
Und so woatn wir drauf dass a uns do vertreibn
Weil warum soll was guat woa a morgn no sein

Telefonbuch

A ganzes Telefonbuch voller Namen
A ganzes Telefonbuch voller Namen
A ganzes Telefonbuch voller Namen
A ganzes Telefonbuch voller Namen

Egal wenst anrufst es geht eh kana dran
A jeda muss ja auf si söba schaun
Wenn du dann dran bist gibt’s da a ka Problem
Weil Probleme hamma söba und die kennen wir schon

A ganzes Telefonbuch voller Namen
A ganzes Telefonbuch voller Namen
A ganzes Telefonbuch voller Namen
A ganzes Telefonbuch voller Namen

Und wenn du abhebst wenns bei dir amoi läut
Dann bist genau so und sagst du hast ka Zeit
No so vü vua bevor jetzt no amoi läut
Und dir deswegen ka Zeit heut mehr bleibt

A ganzes Telefonbuch voller Namen
A ganzes Telefonbuch voller Namen
A ganzes Telefonbuch voller Namen
A ganzes Telefonbuch voller Namen

Riding my demons

Riding my demons
I am riding my demons
Oh well I´m riding my demons
I am riding my demons

My demons used to ride me
Just like a monkey on my back
Used to know how to get me
And in the end they threw me back

But now I´m riding my demons
I am riding my demons
Oh well I´m riding my demons
I am riding my demons

Got me tons of pure gold
Put life in my old bones
Got me the lust of the blond
But in the end I just got stones

Riding my demons
I am riding my demons
Oh well I´m riding my demons
I am riding my demons

Leben ohne Krisen

Im Fernsehen da is ana schlau doch selten is des eine Frau
Warum das ham sie nicht erklärt und trotzdem hat des niemand gestört
Doch spielt das Leben mit dir dann das Rollenspiel als starken Mann
Hast du dafia ganz falsch trainiert weils hat ned immer funktioniert

Es wähln die dümmsten Kälber sagt man ihren Schlächter selber
Und wie man sieht passiert und fast niemand tangiert es
Der Mensch gibt freudig alles auf was erm zusteht was er braucht
Er gibt si her und gibt si aus für hinterfotzigen Applaus

A Leben ohne Krisen is wia a Gras ohne Wiesn
Wie Bier ohne Alkohol
Putzte Zähnd mit Menthol
So fad wie ois nur sein kann
So nüchtern und ned eingraucht
So eng und a so streng
Dass i jetzt gar ned weiterdenk

I kenn so viele die san so des fäult mi an macht mi ned froh
Da geht bei mir des Gimpfte auf weil ma ned no mehr Trottel braucht
Doch tanzt man gern auf dem Vulkan hats der Untergang an angetan
Doch hier verlässt kana das Schiff weils längst scho versunken is

A Leben ohne Krisen is wia a Gras ohne Wiesn
Wie Bier ohne Alkohol
Putzte Zähnd mit Menthol
So fad wie ois nur sein kann
So nüchtern und ned eingraucht
So eng und a so streng
Dass i jetzt gar ned weiterdenk

Ich hab es mir grad selbst gemacht und dabei nur an dich gedacht
Und wenn auch jetzt Entspannung lacht hat es mir nicht sehr viel gebracht
Vielleicht werd ich jetzt schlafen gehen auf Facebook noch a Runde drehn
Weil mich kann nur die Welt verstehn und ohne mich täts untergehn

A Leben ohne Krisen is wia a Gras ohne Wiesn
Wie Bier ohne Alkohol
Putzte Zähnd mit Menthol
So fad wie ois nur sein kann
So nüchtern und ned eingraucht
So eng und a so streng
Dass i jetzt gar ned weiterdenk

Herr Girmindl, weiterhin nicht zu finden auf Facebook, Twitter & anderen sozialen Schleppnetzen.

Vergeben und vergessen

Wenn du merkst es is vorbei Und du holst es nimmt ei is es weg
Und du kriegst es nimma hin weil fia di machts nimma Sinn es is weg
Doch dir macht des nix mehr aus du hast nie gwoat auf Applaus es is weg
Und letztendlich siehst es ei du wirst nie vollkommen sein es is weg

Wos ma ollas gsogt hot
Wird ma nie wieder sagen
Wos ma ollas gemocht hot
Wird ma nie wieder machen

Wenn du ehrlich zu dir sagst dass di eh nimmt so plagst is es weg
Und du schaust dir in die Augen und auf amoi kannst vertraun es is weg
Bis jetzt war alles nur Frust doch auf amoi kommt die Lust es is weg
Du kannst vergeben und vergessen alles andre wär vermessen es is weg

Hanswurst

Ihr glaubts i mach euch da den Trottel
Um a jede Zeit fia euch an Clown
An Pausenkasperl fia euer Dasein
Über den a jeda lachen kann

Und wenn ihr lachts lachts ihr ned über mi
Nur über wen lachts ihr dann

Was bleibt von all dem amoi über
Wenn i amoi gsturbn bin
A poa Lieder dies euch gemerkt habts
Aber vastehts ihr a an Sinn

Und wenn ihr lachts lachts ihr ned über mi
Nur über wen lachts ihr dann

Lass es Fenster offen

Heast heut is geschmeidig
Heut is echt leiwand
Sovü wos ma si ja eh ned leisten kann aber is des ned des Leben
Heast häng a Schüdl vua die Tia
Heut geschlossen kana hier
Weil vielleicht ham wir zwa sonst nie mehr dazu die Gelegenheit

Und ollas wos is wü is lass es Fenster offen
Lass es Fenster offen
Weil i wü di gspian a wenn du ned da bist
Und i wü dass dei Liebe zu mir kummt
Drum lass es Fenster offen

Na und des Leben dauert genau so lang wies dauert
Lass di ned aufreiben
Lass di ned aufreiben wie von ana schlechten Massage
Weil was kannst denn du dafia

I wü jetzt ned reden
I wü a ned aussegeh
I wü afoch nur da liegen auf der Couch mit Liacht an
& Fernseh schaun

Und ois wos i no wü is lass es Fenster offen
Weil i wü gspian wie der Wind geht
Wie er einfoaht in deine Hoa so wie i des oiwei tua
Drum lass es Fenster offen

Und i wü die Aussicht habn
Und i wü die strassen hörn
Und i wü des Leben riachn
Drum lass es Fenster offen

Und i wü dass der Tag nie vageht
Und mir is a wurscht ob regnt
Aber lass es Fenster offen

Ned hoat

Es wird jetzt wirklich Zeit dass du sogst und tuast
Dass du amoi lebst oder wüst ma sogn dass du des ned kannst
Weil wenn i di siech dann schaust du nur bös
Aber du machst mir ka Angst du machst mi nimma nervös

Weil du kannst mir ned sagen dass du so hart bist
Höchstens dass di einsam fühlst wennst allaa bist

Und du dazöhst ma dassd guad bist & wahnsinnig gescheit
Und a jeda schaut auf zu dir doch damit is ned so weit
Her wenn ma si abgibt mit bledere Leut
Is des ka Kunst & a ned sehr gescheit

Also steh afoch auf und gib zua du bist ned
Der echt tolle Typ von dem a jeda dazöht
Nämlich immer nur du und sonst muss ma nur hörn
Wos du grad zum Sagen hast doch i loss mi ned störn

Du kannst ja gern so weiterlebn
I bin dir ned bös nur wird i mir des ned weida geben

Rambo in Öl

Der Burli steht grad auf es is scho hoiba 12e
Schaut schee verschlafen aus seine Augen
& hat sei lange Unterhosen an
Gestern wars wieder spät eh a so wie jeden Tag
Er war da & durt im Netz weil erm sonst ja eh kana mehr mag
Durt hat er 1000 Freund durt kennt er si aus
Durt fühlt er si wohl durt foit er ned auf

Der Burli glaubt er is der Rambo
Weil er hat fleißig trainiert
Vor allem mit Rechts
Weil er si so besser gspiat
Er sitzt auf seiner Matratzen
& schaut auf seine schwoazn Wänd
Wenn erm jetzt wer so sehn könnt
Scho oasch wenn an kann kennt

Aber heut hat er a Mission
Steht Habt 8 & des nackt
Der ganze Rambo in Öl
Damit erm kana gach packt

Aber er redt zu vü obwohl kana hört zua
Und selbst wenn is den andren bald gnua

Am nächsten Tag wacht er auf und der Schädel tuat weh
Aber es war ned so schlimm er kann eh ins Netz geh

Nur die Sunn

Hinter dir geht die Sunn auf
Und i bin no so was von verschwitzt
Und obwohl da ganz zart der Wind blost
Gspia i in mir drin a so a Hitz

Und ois wos du fia mi anhast
Is nur die Sunn
Und ois wos mia do brauchen
Is nur die Sunn

Und wenn Regen auf dei Haut trifft
Und ka Sunn do is zum anhaben
Dann is des Schicksal
Und immer no gnuag zum tragn

Die meisten Leut

Wenn si die Sunn niederlegt
Dann steh i grad auf
Wenn euer Tag si zum End bewegt
Dann geht’s bei mir grad an

I kunnt ned sagn I schlaf so schlecht
Nur am Tag geh i ned raus
Es is eigentlich so dass is ned sagen mecht
Nur manches hoit i ned aus und deswegen bin i tagsüber zhaus

Die meisten Menschen gengan ma am Oasch
Die meisten Leut hoit i ned aus
Es is ned so dass stinken oder schiach san
Nur wenns den Mund aufmachen is der Ofen aus

Deswegen schlaf i nur am Tag
Deswegen geh i nur am Abend hinaus
Und deswegen sieht ma si a nur da
Weil anderswo hoit is ned länger aus

Mehr brauch i ned

Wenn i so dasitz & überleg
Dann waaß i meistens was is der grade Weg
Nur er is so grad und ned schee zum Geh
Und ma wü a wos anders sehn

Wenn die Sunn ganz hoch am Himmel steht
Und wenn ned amoi a Lüfterl geht
Dann sitz i gern unter mein Bam
Und i sitz durt ganz allaa

Und mehr brauch i ned
Und mehr will i ned
Und mehr hab i ned
Weil mehr brauch i ned

Wenn die Sunn ganz hoch am Himmel steht
Und wenn ned amoi a Lüfterl geht
Dann sitz i gern unter mein Bam
Und i sitz durt ganz allaa

A Zettel & a Blei

I hab mir des scho so oft überlegt
Was den Mensch dazu bewegt
Dass er ohne End erreichbar is
Tag & Nacht
Und wenn des Telefon amoi läut
Dann waaß er er hots geschafft

Früher wars a Wagen a ganz a großer
Muaß ma sagn heute is ois handlich und kla
Die ganze Wöd vua dir auf an Tastendruck
Ois wia und trotzdem ganz allaa

A Zettel & a Blei
San wertvoller als i
Phone Pad & Pod
Kauf dirs leg dirs zua
Vom Abend bis in der Frua
& fühl di trotzdem tot

Du hast a Potenzial in dir
Und gehst freiwillig ind Knia
Und waaßt gar ned wos dir bringt
Du gibst freiwillig ois her
Gibst di auf und machst di leer
Dass a andre Kassa singt

Doch wer kann a andre Meinung scho vertragen
Wer losst si von wem andren scho wos sagen
Wenn du Zweifel kriegst schaltst auf stur
Und du wirst arrogant sogst lass mi in Ruah

Halb so stark (Asphaltflimmern)

Im Sommer wenn die Sunn haaß owebrennt
Und auf der Gassn san kane Leut
Wenns knapp übern Asphalt zum Flimmern beginnt
Und es is so ois standat die Zeit

Dann hat ma si schnö an so was gewöhnt
Man stellt si schnell auf so was ei
Es is dann so dass am Abend erst der Tag beginnt
Aber dann steigt ma richtig ei

Du hast ka Ziel vor dir wie alleweil
Du bist scho gespannt was wird heut werdn
Solang ma ausse kann & ausse wü
Nur so lang geht’s no ned ans Sterbn

Du bist gfragt du bist
Unterwegs du wirst
Heut Nacht wieder alles geben
Du kennst di aus weil
Du bist do Zhaus
Und nur du kannst do überleben
Des is dei Revier
Da ghört ollas dir
Und auf di wird immer gwart
Weil zHaus bist du nur halb so stark

Sie olle da ham di scho immer kennt
Du bist da niemandem egal
Doch dir is wurscht wos da wer andrer denkt
Nur des wos du machst is normal

Du bist gfragt du bist
Unterwegs du wirst
Heut Nacht wieder alles geben
Du kennst di aus weil
Du bist do Zhaus
Und nur du kannst do überleben
Des is dei Revier
Da ghört ollas dir
Und auf di wird immer gwart
Weil zHaus bist du nur halb so stark

Wenn in der Nacht der Asphalt schimmert
Und die Strassen san jetzt nass
Fast a so wie wann da Bluat rinnat
Doch sovü war heut goa ned los

Wenn du die Tür aufsperrst und hamkummst
Dann stengan andere grad auf
Wenn du di hinlegst weils heut später war
Dann geht die Sunn draußen grad auf

Du bist gfragt du warst
Unterwegs du hast
Heut Nacht wieder alles geben
Du kennst di aus weil
Du bist do Zhaus
Und nur du kannst do überleben
Des is dei Revier
Da ghört ollas dir
Und auf di wird immer gwart
Weil zHaus bist du nur halb so stark

Irgendwann

Die Tia foit hinter dir zua
Genau wiesd es wolln hast
Genauso wies solln hat
Vorbei

Du warst immer scho stur
A Ziel is meistens ned gnua
Wenn ma den Weg dorthin
Ned kennt

Die Strassen war immer scho finster
Und draußen wars immer scho düster
Positiv war nur dei Geh

Des Guade bleibt ned bei dir
Des losst du lieber bei ihr
Weil damit kummst du ned klar

Und irgendwann wird’s fia di wieder weida geh
Du wirst wieder weida sehn und du wirst wieder grader stehn
Und irgendwann wird’s fia di wieder Wunder geben
Du wirst wieder gesunder leben und du wüst wieder weidalebn

Jetzt is erst mal nur schwarz
Du siehst fia di do kan Platz
Und ehrlich wüst du gar kan haben

Du zahst di söwa so owe
Des is dei spezielle Gabe
Des is ollas was du immer machst

Und irgendwann wird’s fia di wieder weida geh
Du wirst wieder weida sehn und du wirst wieder grader stehn
Und irgendwann wird’s fia di wieder Wunder geben
Du wirst wieder gesunder leben und du wüst wieder weidalebn

Schneller Kommentar

A schneller Kommentar so im Vorübergehen
I kann doch des ollas nimmt mit ansehen
I des wirklich ollas ernst gmant oder eh nur Show
An schlechten Tag dawischt oder bleibt des so

Na i tät mi genieren und wa ganz stü
Des kann euer Ernst sein dass ma so was wü
Überall nur Hass und der wird fleißig gschührt
Anscheinend is euch wurscht was da weiter wird

Früher no vasteckt und heut scho öffentlich
In die eigne Taschn na sicherlich
Ohne an Genierer solangs no geht
Warum wir euch ned hindern des waaß i ned

Warum is des a so

Du warst stark wie hundert Pferd und warst groß so riesengroß
Du warst schlau und du warst frech was mach i ohne di jetzt bloß
Wir ham und kennt nur durch an Zufall wenn so was gibt doch i glaubs ned
Die letzter Brief liegt da vor mir es wird die Antwort sein die föht

Du wirst ma fehln und tuast es scho
Wo bist du jetzt bist du da obn
Bist du wirklich nimmt do
Warum is des a so

Frozen TV Meal

The sun stets down it´s getting darker outside you turn your TV on flatscreen with pride
Just smiling fades from all over tue world Just golden circles good looking boys and girl
Maybe you den´t have tue money you den´t have tue style
But it keeps you far off away for a weile
Frozen TV meal is ready and so are you
Luxury glamour style society blue
Imagine your life could have taken some other ways

Whenever you´re thinking what into you´ve grown
Comparing to something what you´ll never know

You never been young you never been smart
You´re dreaming your dreams you never take part
You never get ready you just don´t know how
They´re milking you Honey just like they do cows

Gustostück

I war schon immer recht galant an flotten Spruch schnell bei der Hand
Hab becirct und mich auch lassen von Gemahlen lass ich mich hassen
Bin charmant und auch charmös und kurz davor niemals nervös
Das ist es was man an mir schätzt i lass mir Zeit bin nie gehtzt

Der Damenwelt bin ich ergeben denn schließlich will ma a moi leben
Is eh so kurz das Dasein hier deswegen mach es schöner mir
Und ich dir auch das kann ich schwörn lass dich jetzt von mir betörn
Du wirst es sicher nicht bereun wer kann schon die Verführung scheun

Und wenn ich dir nicht imponier is besser du gehst weg von mir
Mei Zeit die hab ich echt ned gstoin und es gibt no so vü die wolln
Und ich jetzt ja eh grad Gusto oiso is bei dir die Lust do
Oder sollt i weidaziagn weil i wü jetzt ka Zeit valiern

I want my feet back (Pathologie revisited)

Wann du mir nur a Minutn schenkst
Und ma sogst was a so rennt
Was hinter deine Brilln a so vurgeht
Was´d dir hinter Spiegelglas so denkst

I want my Feedback
I wü wissen wos´d dir denkst
I want my Feetback
Heut kriegst selten was geschenkt
I wü meine Fiaß zuck
Weil dann kann i wieder steh
I want my Feetback
Mei Huat nehmen und geh

Du wirst do a eigne Meinung haben
Du kannst mir ruhig glauben
I bin sicher a scho oid gnuag
I kann die Wahrheit scho vertragen

Johannes Girmindl

Simmering