Eigenbedarf Kontrasong - ...und Fichtl raucht
TV
I wü ned fernsehen
I hab scho gnua gsehn
Woits ned a Ruah geben
Es muaß doch scho gnua gebn
Mir is des nämlich völlig rätselhaft
Wie ma so vü Stunden Fernsehen schafft
Ohne Inhalt und ohne Hintergrund
Stesst ma si nur mehr an der Werbung gesund
I wü ned fernsehen
I hab scho gnua gsehn
Woits ned a Ruah geben
Es muaß doch scho gnua gebn
Und i sitz da so hilflos und verwirrt
Weil am Bildschirm nix mehr besser wird
Ollas oasch zum Speibn und mir is schlecht
Euer Programm des hot ka Lebensrecht
Fernsehen Fernsehen
Fernsehen zum Gernsehen
I wü ned fernsehen
I hab scho gnua gsehn
Woits ned a Ruah geben
Es muaß doch scho gnua gebn
Es is nur Vinyl
Du machst die Tia fest zua
So dass kana eine kann
Dass ollas draußen bleibt
Wos drin nix valurn hot
Dass kann Spalt breit
A Liacht durchscheint
Dass draußen still bleibt
Und drinnen sicher ned
Weil es is nur Vinyl
Es is nur Vinyl
Es is nur a oide Platten
Es is nur Vinyl
Du wortst den ganzen Tag
Dassd endlich ham kummst
Dass endlich da bist
Dassd endlich ankommst
Du kennst des Knistern
An jeden Kratzer
Und du musst umdrahn
Nach vier fünf Nummern
„Rocki“ (Sitzriese)
Völlig hilflos und die Wut bloß
Total sinnlos und so machtlos
Haust den Huat drauf hoitst di ned auf
Regst di ned auf gibst di ned auf
Weil du warst immer scho so
Du warst deppat
Immer besser als die andren
Du warst gescheiter nur nie weiter
Jetzt bist weiter nur ned gescheiter
Weiter unten ganz weit drunten
Weil du warst immer schon so
Du warst deppat
Und jetzt sitzt du da und verstehst die Wöd nimmamehr
Der Riese er is geschrumpft auf an Zwerg
Völlig hilflos und die Wut bloß
Total sinnlos und so machtlos
Haust den Huat drauf hoitst di ned auf
Regst di ned auf gibst di ned auf
Weil du warst immer scho so
Du warst deppat
Und jetzt sitzt du da und verstehst die Wöd nimmamehr
Der Riese er is geschrumpft auf an Zwerg
Guter Rat (Gratis!)
Der Selbstmord is völlig irrrelevant
Als Methode zwar stark anerkannt
Als Lösung sehr schwer zu hinterfragen
Weil wer will scho die Konsequenzen tragen
Drum gib i jetzt gratis an guten Rat
Es is scho gescheit wenn ma zHaus nix zum Schießen hat´
I hab mir des selbst oft schon überlegt
Mein letzten Willen aber no ned hinterlegt
Deswegen is a ned möglich dass i des tua
Weil in Unordnung gehen des losst mir ka Ruah
I wissat a ned wie sollt i schneiden
Weil wenn i a Bluat siech kummt mir des Speiben
Und dann gibt’s halt immer no a die Tabletten
Oder sollt i mi glei an die Gleis anketten
Bei der U-Bahn ob schnell geht i tät ned drauf wetten
Und wenn dann nur nüchtern und nie in der Fetten
A Nocht drüber schlafen des könntet mi retten
Vielleicht hüft a Fußbad oder a Beten
Pop
Und dann geht’s einfach an
Und es hört si fürchterlich nach Austropop an
Doch i i lass es ned bleiben
Und drum werd is jetzt fertig schreiben
Denn was kann i dafia wenn a anderer
Furchtbar schrecklich is und die Lieder mies
Und man trotzdem ned den Hahn zudreht
Weil a Greatest Hits ja no immer geht
Und no a grundsätzlichs Problem
So angenehm und so bequem
Frei Haus gratis und encodiert
Als MP3 am PC installiert
Und was kann i dafia dass so afoch is
Doch in Wirklichkeit furchtbar schrecklich mies
Und die Quantität vor der Qualität
Schon seit Ewigkeit am Podestl steht
Und dann wünsch i ma
Luttenberger klug & die Sportfreunde stiller
Doch i bin realistisch und i waaß
Es is ned jeder Wunsch erfüllbar
Und was kann i dafia dass so afoch is
Doch in Wirklichkeit furchtbar schrecklich mies
Und die Quantität vor der Qualität
Schon seit Ewigkeit am Podestl steht
Wennst a Platte willst musst auf dSuche gehen
Weil die hast ned in jedem Gschäftl stehn
Und a Plattengschäft existiert mit recht
Doch in letzter Zeit geht’s mehr schlecht als recht
Opener
Bist scho munter bist scho wach
Es war echt a ganz schee lange Nacht
Aber glaub ma sie is no ned vorbei
Drum steh auf es is höchste Zeit
Weil du hast Kraft und ma siecht dass´ es kannst
Weil kann ungestraft auf deine Nerven tanzt
Oiso zah an zag wos in dir steckt
Es gibt no a Land des hat no kana entdeckt
Des wart nur auf di weils sonst kann findt
Ma findt ned hin weil den Weg kann kennt
Den kennst nur du und du waaßt ned woher
Aber waaßt eh wos ma waaß nimmt an kana mehr
Du host ollas erreicht und host ollas wosd wüst
Doch des haaßt no lang ned dass ma nimmamehr fühlt
Oiso steh auf und gemmas jetzt an
Es gibt no so vü zum tun und irgendwo fangt ma an
Und wennst a oft hörst wos kann ana allaa
I kann di beruhigen weil wir san scho zwa
Es kann dir passieren dass dann wer lacht
Doch nur weil ers söba ned wirklich schafft
Himmlischer Frieden
Wer nix zu verbergen hat hat a nix zu befürchten
Und vorbeugen ist bekanntlich besser als Heilen
Es is zu deiner eigenen Sicherheit
Da is zu ihrerer Sicherheit ned weit
Und wenn die Möglichkeit besteht
Hamma amoi himmlischen Frieden
Früher hams immer so schee dazöht von wehret den Anfängen
Aber mittendrin kriegt ma des nimmt so hin
Jeder macht gern mit weil man is innovativ
Man is Tag & Nacht und überall erreichbar
Und jeder waaß wos du liest
Jeder schaut gern fern
Des haben alle gern
Jeder denkt gern nach
Vor allem wenn ana vor macht
Du brauchst di ned fürcheten und du muaßt a ka Angst
Aber immer a Lächeln auf den Lippen und was scheens anhaben
Es is zu deiner eigenen Sicherheit
Da is zu ihrer eigenen Sicherheit a ned weit
I geh so gern in mein Garten mit Google Earth muss i ned lang warten
I waaß gern wo i bin i hab a Handy dass ma mi findt
I bestell gern bei Amazon aber die Stapo waaß des schon
I hab nix zu verbergen i hab a ka Angst vor die Herren
Die ham Angst vor dir
Joe Average
Joe Average was this kind of man
Who never hurt himself though he was swallowing Pein
When he was fifteen straight he was old enough to work
And he was old enough for others to hurt
Then he got a wife but only for a few years
Until she left Joe and he´s got years for his beers
He got time himself but there was nothing to see
Except for a few seasons of his favourite shows on tv
Joe Average you needed a rest
You ever knew whats for you best
Ever knew what´s right and what´s wrong
But never knew the meaning of a few songs
He kept on working day in day out
Then he felt burned out but never knew all about
Felt lonesome without freedoms choice
Was silent without any voice
Joe Average you needed a rest
You always knew whats for you best
Always knew who´s right and who´s wrong
But unfortunately never knew the meaning of any song
They found him hanging after two days
Maybe he thought it´s the easiest in so many ways
Left nothing just a single note
“It´s done” that´s all what he wrote
Joe Average now you got your rest
You ever knew whats for you best
Ever knew what´s right and what´s wrong
But never cought the meaning of this song
Kein Anschluss (unter dieser Nummer)
Mittlerweile bin i echt verwirrt
Weil i hab jetzt ollas scho ausprobiert
Nur hat davon nix funktioniert
Und i zweifel dran dass es no was wird
Der Erfolg des Unternehmens macht ma Kummer
Ka Anschluss unter dieser Nummer
I war do wirklich schon ganz knapp dran
Doch auf amoi hat si irgendwas tan
Wo i bis het ned waaß wos is passiert
Und der Zweifel wird größer dass es no was wird
Der Erfolg des Unternehmens macht ma Kummer
Ka Anschluss unter dieser Nummer
Es haut ned hin und es wü ned werdn
Sovü Melancholie gibt’s eh nur in Wean
Und wenn das Selbstmitleid mi a zerfrisst
Waaß i trotzdem ned was besser is
Der Erfolg des Unternehmens macht ma Kummer
Ka Anschluss unter dieser Nummer
Get a life (get alive!)
Dei Tagesablauf liegt am Tisch frei Haus geliefert täglich frisch
Am Laufsteg warst du fia a Stund mit Wellness hält man sich lang jung
Am Nachmittag wird diskutiert was wichtig scheint und doch so irrt
Dei Uhr rennt o s´wird Zeit zum Leben es muaß doch mehr ois fernsehen
geben get a life get alive
Den ganzen Tag des Fernsehbüd weils schlimmeres im Spiegel spüt Get a
life get alive
A kurzer Blick zum Schwurgericht dassd ehrlich bleibst Moral mit Gewicht
Bis sechs am Abend hast zehnmal kocht hast Gwand bestellt sonst hast nix
gemacht
Du bist a rundum informiert hörst beide Seiten waaßt wos wird
Dei Uhr rennt o s´wird Zeit zum Leben es muaß doch mehr ois fernsehen
geben get a life get alive
Den ganzen Tag des Fernsehbüd weils schlimmeres im Spiegel spüt Get a
life get alive
NHE (NaturalHerzenEinsamkeit)
Du fühlst di so wohl dir is es so recht
Du manst dir geht’s guad du fühlst di ned schlecht
Du warst immer scho eher nur allaa
Es is afocher ois wia fia zwa
Du brauchst kan Grund wenns amoi später wird
Oder di entschuldigen wenn ma si im Namen irrt
Des is die Natural Herzen Einsamkeit
Du bist immer allaa und nie zu zweit
Die Natural Herzen Einsamkeit
Die bringt di so weit und du bist nie bereit
Mit vü Überlegen kummt ma a ned weiter
Und allaanich denken macht an ned vü gescheiter
Ja nur ehrlich gestanden muaß i echt amoi sagen
Wie kann ma denn so was auf die Dauer ertragen
Allaa sei is leiwand nur einsam hoit ned
A ned wenn ma sies andauernd einredt
Des is die Natural Herzen Einsamkeit
Du bist immer allaa und nie zu zweit
Die Natural Herzen Einsamkeit
Die bringt di so weit und du bist nie bereit
Eigenbedarf
A LP a Flaschen Rot des is wos Gmiatlichs
der Langeweile Tod
A weißer Spritzer oder a a Bier
des hat wos für sich am besten no mit dir
Do hot ma ollas wos ma so braucht
a Zigaretten wenn ma no raucht
Ma liest a Buach oder schaut an Film
ma is versunken in Gedanken schaut genauer hin
Ma tramt an Tram und sieht a Büd
ma hört a Lied ganz laut & wüd
Oder a leise fast ohne Ton ned fia die Nachbarn
weil die kennt ma ja schon
Man hat nix an nur die Sun die heut scheint
und a wenns schneit gehst auf des gar ned ein
mitten im Sommer des wird kana glauben
doch du siehst es deutlich durch deine Augen
Und dann wachst du auf die Flaschen is leer
Nur Aschen is da und sonst gar nix mehr
Doch du waaßt genau wos ollas war
Und ollas woa woa und sonst is nix woa
Und auf amoi is klar wos ollas war
Und ollas is wahr
Was geht denn mi des an
I hab so vü und du hast nix
Weil i hab ganz klar die bessern Tricks
Ma nimmt si wichtig find des richtig
Was ma tuat findt ma echt gut
Doch was geht denn mi des an
Wenn andere so deppat san
Na i hab lang gnua glaubt
I hab vü ztuan
Doch dann hab i gmerkt
i hab vü Zeit valurn
Doch was geht denn mi des an
Wenn andere so deppat san
Leg di hin und schlaf di aus
weil du findst da eh nimma raus
Doch was geht denn mi des an
Wenn andere so deppat san
Es is möglich und beweglich
Man vergleicht was man erreicht
Doch was geht denn mi des an
Wenn andere so deppat san
Wenn a Wort
Immer wieder kummst zu mir
Immer wieder findst mein Tia
Wenn a Wurt des kana hört
Fia immer dir und mir nur ghört
Immer wieder lahnst di au
Und du waaßt wia i des brauch
Wenn a Wurt des kana hört
Fia immer dir und mir nur ghört
Kannst dir vuastelln dass so was gibt
Dass des Glück so via dir liegt
Wenn a Wurt des kana hört
Fia immer dir und mir nur ghört
Wenn ma ned sogn muss
Weil die Antwort kummt ganz stü
Wolf
I bin wia a Wolf
I bin immer hinter dir her
Und auf dNocht da heul i in Mond an
Weil sonst kann i dann eh nix mehr
I bin auf dera Wöd
Immer hinter dir her
Und du vasteckst di vor mir
Aber dann traust di scho her
I bin wia a Wolf
Und irgendwann werd i di reissen
Mir wird sicher niemand Herr
I war wia a Wolf
Aber jetzt bin i a Schoßhund fit di
Aber an Wolf ziagts ausse auf dNocht
Hinterm Ofen is ka Platz fit mi
Wickel
Nur a Trottel schalt auf stur
und i hab glei gsehn dass du ana bist
Du glaubst du bist wichtig du kummst grad richtig
Weil i bin den ganzen Tag scho haaß
Du suachst an Wickel
na schau mi an wenn i mit dir red
Du kummst scho no in mein Gossn hab i dir oft gnua gsogt
Und heut samma do
Und wir machen uns des aus no auf oid
Weil in meiner Gossn wird heit ned geschossen
Du warst früher scho so deppat
Und du bist es a blieben
Und i kann mi nur wundern
Wieso hat dir des bis jetzt kana austriebn
Du fiachst di vorm Bluat
Und es riecht verbrennt
Aber du brauchst ka Angst haben
Dass di dann kana mehr kennt
Weil ma identifiziert di an deine Zähnd
Was ich nicht weiss
Es is scho oft passiert dass mi wos interessiert
Dass i wos wissen wollt wos i ned wissen sollt
Na obs grad woa oder ned
Na weil wos waaß ma scho und wos hot ma davon
Wenn ma ois durchschaut wos ned hinhaut
Manchmal stell i ma vua wie wärs wenn i nix waaß
Weil wos i ned waaß mocht mi ned haaß
Na wenn ma dLeut so kennt und wenn ma waaß wos rennt
Da tun sich Dinge auf do legt ma kan Wert drauf
Nur wenn mas waaß dann is scho zspät
Na weil wos waaß ma scho und wos hot ma davon
Wenn ma ois durchschaut wos ned hinhaut
Manchmal stell i ma via wie wärs wenn i nix waaß
Weil wos i ned waaß mocht mi ned haaß
Ka Zeit
Weit und breit hot kann Zeit
Ned heut und ned murgn
Nur vüzvü zum tuan
Ohne Unterbrechung schaust du auf die Uhr
Meine liegt daham und losst mi dort in Ruah
Dank sein Gott dem Herrn du hast 5 Minuten Zeit
A bissl kann ma reden dann is eh wieder so weit
Mindestens vier Monat im Vorhinein geplant
Sonst gibts da goa ka Chance ma kommt ned an di ran
Du bist so was von beschäftigt echt total begehrt
Sowas von beliebt dass ma nix mehr von dir hört
Weit und breit
hot kann Zeit
Ned heut und ned murgn
Nur vüzvü zum tuan
Chancenlos im Leben auf 5 Minuten Zeit
Amoi fia di söba du wirst niemals mehr frei
Du rennst von links nach rechts und kummst doch ned vom Fleck
Warst immer scho der Schnellste doch no nie warst du weg
Du glaubst so kummt ma weiter vü weiter wenn ma hetzt
Doch immer noch bist da vielleicht hast di verschätzt
Hast Angst dassd was versäumst hast jemals wos erreicht
Kann sei dassd über bleibst dass si a jeder schleicht
Weit und breit hot kann Zeit
Ned heut und ned murgn
Nur vüzvü zum tuan
I muss jetzt gehen weil i bin stark im Stress
Muaß ollas scho notiern weil i sonst ollas vergess
I hab jetzt ka Zeit ganz sicher an Termin
I muaß dringend zHaus dort leg i mi dann hin
Weit und breit hot kann Zeit
Ned heut und ned murgn
Nur vüzvü zum tuan
Anonym
I trink anonym
I waaß ned wer i bin
Drum trink i anonym
Samstag, Nachmittag (Geschlossen)
Wenn i so zruckdenk wie des woa
Es kummt ma via ois wia via 100 Joa
Ois wa des ollas gor ned woa
Damals
I woa ja echt no a klana Bua
Und es losst ma bis heut ka Ruah
A so a Samstagnachmittag
Wie damals
Da war ka Mensch mehr auf der Gossn
Die Gehsteig warn wie verlassen
Und ka Gschäft hat mehr offen ghabt
I war im Garten und hab gspüt
Ois klang Mensch is ma no richtig wüd
Und hab a Gspia ghobt fit des wos zögt
Auf dera Wöd
Heut is der Samstag wie olle Tog
Und so a Tog wia i n gor ned mag
Scho gor ned a so wies woa
Damals
Da war ka Mensch mehr auf der Gossn
Die Gehsteig warn wie verlassen
Und ka Gschäft hat mehr offen ghabt
Heut bauns a Haus nebn an andern
Und i frag mi warum hamma uns des antan
Wenn ma nimma siecht wos oben gschicht
So wie damals
Es san die Bam recht schnö zum zöhn
Na und ma merkt dass niemand föhn
Aber i kann mi no erinnern
An damals
Da war ka Mensch mehr auf der Gossn
Die Gehsteig warn wie verlassen
Und ka Gschäft hat mehr offen ghabt
Sommerhit
I brauch kan Sommerhit
Den schreib i mir söba
I kann da eh ned mit
Aber des war doch eh klar
Weil mir wird furchtbar schlecht
Immer dann wenn i Radio hör
Wos i ja eh nie mecht
Aber es is halt furchtbar schwer
Weil durch Zufall da rennts immer irgendwo
Und i halts ned aus des gschissene Radio
Es rennt nur Weichspüler
Und Ruhigsteller
Massenkompatibler Scheißdreck
Zum Abgwöhnen
So wie im Fernsehen die söbe Gschicht
Nur vü hinterfotziger weil mas ned sieht
Ganz wurscht wosd bist es schleicht so an
An jedem Ort ganz egal es kriegt di dran
Weil durch Zufall da rennts immer irgendwo
Und i halts ned aus des gschissene Radio
Doch es serviert eh nur des wos bestöst
Den größten Dreck am goldenen Tablett
Ka Zeit fian Blues
Es tuat ma furchtbar laad nur i hab jetzt ka Zeit fian Blues
Es tuat ma furchtbar laad nur i hab heut ka Zeit fian Blues
I hab no so vü vua no so vü wos i tun muss
Erstens muss i moi da sein und zweitens muss i wohin
Drittens muss i wo bleiben und i waaß jetzt scho ned wo i bin
Es tuat ma furchtbar laad nur i hab heut ka Zeit fian Blues
I hab no so vü vua no so vü wos i tun muss
I waaß genau wos i wü und i waaß genau wos i soll
Nur war des wos i soll no nie des wos i wollt
Es tuat ma furchtbar laad nur i hab heut ka Zeit fian Blues
I hab no so vü vua no so vü wos i tun muss
Du waaßt no ned wosd kriegst bis jetzt waaßt nur wos du wüst
Bevors dir aber zvü nimmst pass auf dass di ned vakühlst
Es tuat ma furchtbar laad nur i hab heut ka Zeit fian Blues
I hab no so vü vua no so vü wos i tun muss
Tears in my eyes (dehydriert)
Wos rearst denn so vü heast du rearst so vü
Wann bist endlich stü heast du rearst so vü
Egal wos los is
Du fangst zum Wana an
A wenns kan Grund gibt
Da gewöhnt si kana dran
Des hoit doch niemand aus
Es rinnt nur aus dir raus
Heast kannst du des ned aufhoitn
Es is ned zum Aushoitn
Wos rearst denn so vü heast du rearst so vü
Wann bist endlich stü heast du rearst so vü
Heast kannst du da nix tun
Oder hast du so an Frust
Macht dir des ka Angst
Der Flüssigkeitsverlust
Wie machst du des im Sommer
Bei ana mordstrum Hitz
Wie kann ma do no rearn
Wenn ma gleichzeitig schwitzt
Wos rearst denn so vü heast du rearst so vü
Wann bist endlich stü heast du rearst so vü
Egal
Was geht dir durchn Kopf wenn du mi so anschaust
Was geht dir durchn Kopf wenn du mi so anlachst
Wenn du mi so glücklich machst dass mir nix mehr wirklich fehlt
Wenn du mir so zeigst was wirklich zählt
Was geht dir durchn Kopf wenn du mi ins Ohr beisst
Was geht dir durchn Kopf weinst mi an die Hoa reisst
Wenn du mi so glücklich machst dass mir nix mehr wirklich fehlt
Wenn du mir so zeigst was wirklich zählt
Und mir geht durchn Kopf dass i immer da sein wird
Ganz egal wosd machst und is a no so verkehrt
So a Madl
So a Madl is nix fia di So a Madl is nix fia di
Die is doch zoid fia di Madln san do scho weida
Und die is doch zafoch gestrickt und du bist jo vü gscheida
So a Madl is nix fia di So a Madl is nix fia di
Wia si die nur so anziagn kann des häts früher nie geben
Und du kannst di scho ned jetzt scho binden
Du wüst ja no wos erleben
So a Madl is nix fia di So a Madl is nix fia di
I glaub des könntet nie wos werden
I mach ma Sorgen um di
I wü doch nur dass du glücklich wirst
Es geht doch ned um mi
So a Madl is nix fia di So a Madl is nix fia di
Du kannst di do no ned festlegen dafia is do no vü zfruah
Du verrennst di in a Idee du bist do mein Bua
So a Madl is nix fia di So a Madl is nix fia di
MIAD VERWIRRT & I
I sitz do und bin verwirrt weils halt echt ned besser wird
Miad verwirrt & i
Des is echt a Mischkulanz und a Vorteil bei so Tanz
Blede Tanz & i
Draußt is no ka Sunn doch die Nacht kummt langsam um
Ka Sunn die Nocht & i
I geh ins Bett und leg mi hin weil heut mochts echt nimma Sinn
A Bett ka Sinn & i
IDEALE
Wie das Leben halt so spielt
Du waaßt jo wie des is
Ma hat vü Ideale
Die man oftmals dann vergisst
Es is bequem wenn ma nur redt
Drüber redt wos ma ned lebt
Ma hat wos vua
Ma hot a Ziel
Nur wird’s an meistens dann zu vü
Oftmals dann wenns wichtig wär
Erinnert ma si goa ned mehr
Weils leichter foit mit andre Worte
Weils afoch is wenn ma nix tuat
Dann kummt wos Neues näher
& man vergisst des Schwere eher
Ma hot wos vua
Ma hot a Ziel
Nur wird’s an
meistens dann zu vü
Man verspricht schnö wos ma ned kennt
Weils theoretisch afoch rennt
I moch mas leicht i schreib a Liad
Weswegens a ned anders wird
Vielleicht hüfts ma dass is ned vergiss
Vielleicht foits ma ei wenns wichtig is
Ma hot wos vua
Ma hot a Ziel
Nur wird’s an meistens dann zu vü
TEARS IN MY EYES (bittersweet)
Tears in my eyes
You put tears in my eyes
A bittersweet surprise
Tears in my eyes
When I dreamed you In my sweet dreams
It never looked like it hardly seemed
Even to come true never to loose you
Never to leave you I never knew
Tears in my eyes
You put tears in my eyes
A bittersweet surprise
Tears in my eyes
When I dreamed you again in my sweet dreams
It never looked like it hardly seemed
That I will loose you kill and abuse you
And to look at you now my drem came true
Tears in my eyes
You put tears in my eyes
A bittersweet surprise
Tears in my eyes
UNTERWEGS
Um Mitternacht 2 Kölsch an der Rezeption
Die is rund um die Uhr besetzt wenn ma läut
Dritter Stock mit Lift aber zu Fuß wegen der Kondition
Auschecken bis 10 mit Frühstücksbuffet is des a ka Problem
Vom Nebenzimmer hörst ois und verstehst nix
Und da wird in der Nacht anscheinend a ned gschlafen
Es wird a ned gevögelt i tät jetzt vögeln
Und duschen in der Fruah wie 1000 Nadelstiche aber es gibt Seife
Und ma fühlt si unterwegs
Überhaupt ned ghetzt
Ma hot Zeit dass si ois setzt
Endlich wieder unterwegs
Ewig gradaus auf der Autobahn und heut is nix los
Hoiba 10e M20 sis fast wie daham
Nur die Foabn san a bissl blasser die Patti Smith im Radio
Kurz vor London und der Regen fangt an
Und ma fühlt si unterwegs
Überhaupt ned ghetzt
Ma hot Zeit dass si ois setzt
Endlich wieder unterwegs
Wenn ma waaß wo ma hinwill und ned waaß wie ma hinkommt
Dann is des ned ned wirklich zielführend
Wenn ma waaß wo ma hinwill und a waaß wie ma hinkommt
Muass des a ned wirklich zielführend sein i glaub i schiab die Doors eine
Und ma fühlt si unterwegs
Überhaupt ned ghetzt
Ma hot Zeit dass si ois setzt
Endlich wieder unterwegs
A IRRTUM
Wenn du stehbleibst & zruckschaust auf des wos ollas woa
wird’s deutlich und so sichtbar und dir auf amoi klar
Es war ned sinnlos, sogar notwendig & auf amoi siehst es ein
Es kann ned immer & andauernd auf ewig leiwand sein
Man wird älter & a gscheiter & manchmal wird mans ned
Aber meistens funktionierts schon & man bleibt ned ewig bled
& wenn schon dann überreisst mans in der Regel meistens ned
& is si sicher des san die andren und man selber is es ned
Auf an Irrtum folgt der nächste & auf amoi is es zspät
Doch wenn ma schnö is & vergisst na dann gspiat mas vielleicht ned
Vielleicht ned glei aber später weil erst is ma no verwirrt
Doch es foit an wieder ei wenn die rechnung wer serviert
GEDULD
Manxmoi bist du so leise und da hör i nix von dir
Da nimm i ka Notiz und bin dann eh söba dran schuld
Dass i wieder ollas überseh und ollas überhör
Drum bin i dir so dankbar fia dei Geduld
Weil i söba wenig hab und die meiste Zeit nur Stress
Den i ma eh söba moch und der ned notwendig is
Über den i wenig waaß nur daß i deswegen i vü vergiss
I waaß ned wie des is und i waaß ned wie des geht
Is es afoch so mit mir oder is es afoch ned
Denn i wollt nur sagen dass is echt ned nur probier
Dass is wirklich versuch und i spü mi ned nur bled
Weil auf amoi is wos wichtig und wenns echt is merkst es schon
Und wos wichtig is wird richtig und es bleibt ned nur a Schmäh
Und es is ned a so dass i dir nur a Gschicht dazö
BLED SCHIACH & BLAD
Du dazöhst ma immer Sachen die mi echt ned intressiern
Wenn i mit dir fort gehen miassat tät i mi fia di geniern
Du stellst di glei wo zuwe und lasst niemand ka Ruah
Kana hört si di an a wenns olle so tuan
Wos is des fia Gfühl wenn an wirklich kana wü
Wenn ma irgendwos sogt und auf amoi wird’s ganz still
Du kummst ma manchmal vua ois wärst du von an andren Stern
Wer kann an Mensch wia di scho leiden di hat doch nur die Mutter gern
Eigentlich tuast ma laad so a Leben des fänd i fad
Und du bist ned amoi bled schiach oder blad
Wos is des fia Gfühl wenn an wirklich kana wü
Wenn ma irgendwos sogt und auf amoi wird’s ganz still
SOZIAL (zum Kapital)
Ganz gleich wos du waaßt is es richtig oder ned liegst du foisch oder hast recht is beides ned schlecht weil hast du recht is es ned gut oder schlecht is es eigentlich egal weil du hast recht ohne Recht
Und hast du ka Recht is des vielleicht gar ned schlecht und es is no ned fatal weil wir san jo sozial sozial samma scho und deswegen a froh weil es kann nix passieren wir san sozial zum Kapital
Weil geht uns wos o a poa Netsch oder so is no goa nix passiert weil es wird ois finanziert Danke!
Wir sehn nur des wos ma a sehn wolln fia ois andre samma blind und so bleibts uns a gstoin
Gstoin wos is boid und im Winter recht koit aber i hatz ma ei weil i zoi fleissig ei
Nur mancher zoit ned weil erms Göd ständig föht und so is erm a koit nur dass niemand auffoit so vü zu sozial guat erm föht Kapital aber wenn er ans bringt is er wieder Liebkind
Die Rechnung geht auf und es nimmt seinen Lauf und man nimmt was man kann und stellt si nie hinten an
WOS WICHTIG IS (Kontrasong)
Für viele Menschen sind die guten Manieren furchtbar wichtig
Doch es gibt wichtigeres und deswegen find i des ned richtig
Wenn man Bildung mit Intelligenz verwechselt weil glernt is wos boid
Und ob ma waaß wos ma tuat darum kümmert si dann niemand
Weil die Titanic stammt von Profis und die Arche von Amateuren
Und deswegen will i heute nix mehr von Bildung hören
Lernst was kannst was bist was isüberhaupt ned woa
Der Herr Mag. Dr. Dr. & Professor san fia d´Hoa
Weil man büd si schnell wos ei des wirst a Leben lang nimma los
Und wenn dann wer merkt wos los is is die Enttäuschung riesen groß
Drum bleib bescheiden weil dann bist wer und spü ned jeden Trumph glei aus
Man kann im stillen a
genießen und des zoit si länger aus
Vom Klimawandel hören die meisten Leut nur an der Kreuzung
Im Autoradio im Stau & es rennt die Heizung
Dann z´Haus um hoiba 8e spüts wie immer die Nachrichten
& brennend interessiert mi muss i mi echt danach richten
Millionen Menschen beginnen das neue Jahr mitn Neujahrskonzert
I ned weil i bleib liegen denn mir is es des ned wert
Früher samma aufgstandn uns war schlecht und wir waren speibn
Heut is mir ned schlecht i bleib liegn und lass es bleibn
Ma sieht die Wöd so wie sie ist erst mit Fieber richtig
Deswegen gibt’s bei mir ka Haubn kan Schal weil sowas is mir wichtig
DER DEPRESSIONIST
I sitz da und schwitz nur is do ka Hitz
I zitter und frier mir is so koit
I waaß ned wos los is es druckt mi so owe
I habs scho erlebt aber selten so Tage
Wo goa nix passiert is aber ollas nur oasch is
Wo ma total verwirrt is aber trotzdem so klar sieht
Pünktlich zum Wetter kommt die Depression
I griaß ganz freundlich weil wir kennen uns schon
Und glei drauf geht’s los und wir tauschen uns ausführlich
Wos ma ois so erlebt haben in der Zwischenzeit gmacht haben
Und i frag ganz deutlich warum i wieder dran bin
Weil i kanns ned verstehn dass i echt so kaputt bin
Die Händ san so koit mei Hemd nass vua Schweiß
I glaub i werd oid i zitter wia a Greis
AUS DER BAHN
Aus der Bahn
Was wirft mi Aus der Bahn
gibt’s irgendwen der des kann
Aus der Bahn
Wos is do passiert
Dass mir so komisch wird
Was geht mi so an
Und wirft mi aus der Bahn
Was i ja scho gern wissen möcht
Warum is mir andauernd schlecht
Weil i ja do nix essen kann
Bin i aus der Bahn
Dei Gold
Manchmal is besser wenn ma nix sagt
Weil heutzutag wird scho vü gsogt
Mach die Pappn auf zag die Zänd
I hab mi no nie an des Goschnhalten gewöhnt
Reden is silber und Schweigen is gold
Doch wann hät i gsogt dass i die Gold wollt
Du wochst auf und es is a Tag wie jede andre
Du waaßt ned wo is hint oder vuan
Du heast so vü und du waaßt ned wer hot glogn
Dei Vertrauen in andre hast du längst valurn
Mach die Pappn auf zag die Zähnd
I hab mi no nie an des Goschnhalten gewöhnt
Reden is silber und Schweigen is gold
Doch wann hät i gsogt dass i die Gold wollt
Du waaßt wos rennt und du kennst di aus
Oiso mach den Mund auf und wart ned auf Applaus
Mach die Pappn auf zag die Zänd
I hab mi no nie an des Goschnhalten gewöhnt
Reden is silber und Schweigen is gold
Doch wann hät i gsogt dass i die Gold wollt
Teilprominent
Du bist a so netter Mensch
Ja fast scho teilprominent
So Leut wie di hot ma gern
Auf Leut wie di sollt ma hörn
Du bist a so wunderschön
Sowas hab i no nie gsehn
Da schaut ma wirklich glei hin
Du bist a so a Gewinn
Fia mi bist a Kreatur
A Fehler in der Natur
Du bist dir dessen bewusst
Und daher kummt a der Frust
Hoffentlich frisst er di auf
Weil i hoit di nimmt aus
Wennst wüst dann hüf i a noch
Wennst es ned eh söba machst
Provinz
Vü zu enge Gassen dass ma waaß wo ma is
Und vü zhoche Häuser dass mas Klableibn ned vergisst
Fia a Leben zu wenig nur des wos ma braucht
Zum Sterben zvü und der Fichtl raucht
Hollywood an an regnerischen Tag
Als wär i gern der den i überhaupt ned mag
Jedes Beten is do fast wie a Fluach
Mit zklane Fiass in zgroße schuach
Der klane Bruader spüt jetzt scho am Balkon
Ja früher war des no streng verboten
Jetzt ghört er dazu kriegt ois wos er braucht
So lang bis er bliat und der Fichtl raucht
Von drüben sehns eina heast mich ka Licht
De mochen jo a kans dass ma wieder nix siecht
Aber i heas ganz deutlich heut wird wieder gstrittn
Und über uns drüber wird grad wieder grittn
Hollywood an an regnerischen Tag
Angelus (in Open G)
Der Trottel soll straßenkerhn der soll amoi hackeln geh
I hab ghört der hat 30 Wohnungen I hab a Wohnungen ghobt
Nur jetzt bin arbeitslos
Weil die Jungen die wissen nix die ham ja no nie arbeiten miassn
I hab er jo ned erlebt aber unterm Hitler hat a jeda goabeit
I hab a Gattin ghobt mein Frau und i
Sie hot si scheiden losen sie hot an kenna gelernt
Nur woa des ned i na ned i
Radlfoahn derf i nimmt i hob 2 Radln zhaus
San scho vü gsturbn
Des Wrack liegt in 4000 Meter & der Füm dauert 3 Stund
Hot kost 2 Milliareden greicht hät scho 1 Stund
I kauf ma die Füme auf DVD in mehreren Sprachen nur i hea scho schlecht
I geh am Montag zum Friseur hint und kurz links und rechts
Auf Kuba
Hast du je a Ahnung ghobt dass ma den Andren ganz allanich trogt
Ohne dass man richtig nimmt ana so groß und der Andre grod a Kind
Hast du di jemals so was gfrogt wie is des möglich dass des geht und ma
nix sogt
Dass ma si richtig gut vasteht ohne dass a Wort dem andren auf die
Nerven geht
Auf Kuba waht a andrer Wind du kennst er gut weil er is selbst no a Kind
Und in dem Wind da drin is warm und kann is allaa in deine Arm
Und i wü ned dass du foist aber im Fallen lernt mas Fliagn
Und i wü ned dass du fortfliegst aber i lass di ziagn
Autist
Manchmal verkräul i mi
Verkräul i mi weil i nix wissen wü
Wos anderer denken wos a jede so mahnt
Davor haus uns ja damals in der Schul so oft gewarnt
Manchmal verkräul i mi weil i nix wissen wü
Manchmal kummts via dass i nix sogn wü
Ned vü sogn weil afoch ned mag
Ned auffoin mag ned auffaoin mag ned auffoin mog
Und die meisten verstehns ned und es
liegt erna im Mogn
Denn sie glauben si mochn wos foisch und trotzdem muss ma ned immer wos
sogn
I muss ned imma mitredn weil si des hoit so ghört
Und scho möglich kann sei dass si dann wer beschwert
Aber manchesmal da verkräul i mi
Verkräul i mi weil i nix wissen wü
Manchesmal da verkräul i mi
Verkräul i mi weil i nix wissen wü nix wissen wü nix wissen wü
Nachtschicht
Hoiba 8e es is zspät du kummst heute sicher ned
Hoiba 9e i schau aufd Uhr und frog mi no wo bleibst du nur
Es is nach 3 und es geht auf 4 und du bist immer no ned hier
Gehst du zFuaß oder nimmst an Wogn i kann des Woartn nimmt ertrogn
Foahst mit Taxi oder gehst zFuaß
Kummt aufs Telefon a Gruaß
Kummt ka Wurt bleibt ollas stü
Is es ned des wos i wü
I war do und hab vü geraucht hab außer dir ois wos i brauch
Jetzht geht die Sunn schee langsa,m auf i leg mi hin erst trink i aus
Foahst mit Taxi oder gehst zFuaß
Kummt aufs Telefon a Gruaß
Kummt ka Wurt bleibt ollas stü
Is es ned des wos i wü
Freundlich wie i bin
Steh beim Wirtn an da Bar und i trink a Glasl Bier.
Kane 10 Minuten und a Bsoffana steht nebn mir.
Er dazöht ma von sein Leben, was a tuat und wo er woa.
Herst der geht ma auf die Nerven, aba des ist eam net kloa.
Freindlich wie i bin huach i zu tua interessiert.
Leida is des net sehr gscheit und er ist no mehr motiviert.
Er hast Gustl, hat 2 Kinda und is Installateur.
Sei Frau is furchtboa schiach und so hat ers ziemlich schwer.
Leida is ka End in Sicht und i sog „i muass geh“:
Doch er lont mi auf a Bier ei und i bleib natirlich steh.
Und freindlich wie i bin huach i zua und bin scho miad.
Leida is eam des egal und er red weida unscheniert.
Er is 52, kummt aus Krems und er jobt in Wien.
Sei Chef is deppat und sei Leben hot doch e kan Sinn.
Mei Bier is leer und i sog „i hob no an Termin“
Aba er lad mi auf an Wei ei und sogt“Ana is no drin“
Und freindlich wie i bin huach i zu und bin leicht vawirrt
Eam is des ziemlich wurscht und er raunzt weida deprimiert
Früha war ois besser und de jungen san so keck
Er is scho dreimal gschieden und sei ganzes Göd is weg
I trink mein Wei und sog „jetzt geh i oba echt“
Doch er lond mi auf an Schnaps ei und mir wird langsam schlecht
Doch freindlich wie i bin huach i zua und bin scho leicht garniert
Leida is eam des ziemlich wurscht und er lallt weida unbeirrt
Politiker san Trottln und die Auslända wean mehr
Die Hund scheissen aufn Gehsteig und er wa gern Millionär
Nachn fünftn Schnaps hat er gnua steigt in a Taxi ei
I muss des ois vadaun und trink no a Glasl Wein
Do steht ana ganz allaa und er trinkt a Glasl Bier
Und i denk ma, dem is fad i dazö eam was von mir
Er sagt er hat ka Zeit und miassat scho längt geh
Doch i lod eam auf a Bier ei und er bleibt natürlich steh
Im Kreis
Im Kopf no furchtbar vü Plotz
Glaubst ollas wos ma da sogt
Du host jo no kann Vergleich
An Erfahrung ned reich
Vü später aber kummt ma drauf
Es hoit an ollas nur auf
Die Zimmer is ned die Wöd
Und der papa ka Höd
Ois wos du lernst wos du waaßt wos dir sogn
Schickt di eh nur in Kras und liegt dir im Mogn
Sie hoin di in ihr Boot
Mit Tadel und mit verbot
Des wirst die Leben nimmt los
Und der Schaden is groß
Ois wos du lernst wos du waaßt wos dir sogn
Schickt di eh nur in Kras und liegt dir im Mogn
Alle Texte von Johannes Girmindl, alle Rechte
vorbehalten. c 2007-2009 keine unerlaubte Vervielfältigung.